علاقے میں نیا اسکول کھولنے کے لئے اخبار کے مدیر کے نام درخواست
کمرہ امتحان
کراچی
۵۱ مارچ ۰۰۰۲ئ
مدیر محترم
وزنامہ جنگ کراچی
!اسلام وعلیکم
میں آپ کا روزنامہ باقاعدگی کے ساتھ پڑھتا ہوں۔ مجھے یہ دیکھ کر انتہائی خوشی ہوئی ہے کہ آپ نے اپنے اخبارکا ایک صفحہ
عوامی شکوے ، شکایات اور مسائل کی اشاعت کے لئے وقف کردیا ہے تاکہ لوگوں کے مسائل موثر انداز میں متعلقہ حکام تک پہنچ سکیں۔
لہذا میں آپ کے اخبار کی وساطت سے متعلقہ حکام کے علم مےں یہ بات لانا چاہتا ہوں کہ ہمارا علاقہ شہر سے کافی دور واقع ہے۔ جب سے
حکومت نے اس علاقے کو گیس، بجلی اور پانی جیسی بنیادی ضروریاتِ زندگی فراہم کی ہیں، اس کی آبادی میں تیزی سے اضافہ ہورہا ہے۔ یہاں
کوئی ہائی اسکول نہیں ہے۔ اسلئے طلباءو طالبات کو دور دراز کے علاقوں میں اپنی تعلیمی ضروریات کو پورا کرنے کے لئے جانا پڑتاہے۔
جس کی وجہ سے نہ صرف ان کو ٹرانسپورٹ کی پریشانی اٹھانا پڑتی ہے بلکہ آنے جانے میں ان کا قیمتی وقت بھی ضائع ہوتا ہے اور تھکن
کی وجہ سے طلباءپوری طرح سے اپنی تعلیم پر بھی توجہ نہیں دے پاتے۔ اس لئے ضرورت اس بات کی ہے کہ اس علاقے میں جلد از جلد
اسکول کھولا جائے تاکہ اس علاقے کے بچے تمام پریشانیوں سے چھٹکارا حاصل کرکے یکسوئی کے ساتھ اپنی تعلیم پر توجہ دے سکیں۔
امیدکرتا ہوں کہ آپ میری یہ عرضداشت حکامِ بالا تک پہنچانے کا ذریعہ بنےں گے اور متعلقہ حکام معاملے کی نزاکت کو محسوس کریں گے
اور احساسِ ذمہ داری سے کام لیتے ہوئے اس مسئلے کے جلد حل کے لئے موثر اقدامات کریں گے
آپکی عنایتوں کا طالب
ا - ب -ج
0 comments:
Post a Comment