قومی اتحاد مضمون

مضمون  قومی اتحاد            

اتحاد میں بڑی طاقت اور اخوت ہے۔ کسی ملک کی بقا کا انحصار قومی یک جہتی اور اتفاق پر ہے۔ کوئی جماعت، کوئی ملک، کوئی قوم اقوام عالم کی نگاہ میں عزت و آبرو اور وقار و احترام کا مقام نہیں پاسکتی جب تک کہ اس کے افراد میں یک جہتی اور ہم آہنگی نہ ہو۔ قومی اتحاد کے بغیر ترقی اور خوشحالی کا تصور بھی ایک خام خیال ہے۔ انفرادی اور اجتماعی اقبال ایک خواب ہے۔

جس طرح موج کی قوت کا زور، جوش، تلاطم اور طنطنہ دریا کے اندر ہے، دریا کے باہر موج کوئی معنی نہیں رکھتی۔ اسی طرح فرد کی اپنی کوئی قوت نہیں ہوتی، فرد تنہا کوئی حیثیت نہیں رکھتا لیکن جب وہ ایک ملت میں گم ہوجاتا ہے تو بڑی قوت بن جاتا ہے۔ اقبال نے قومی اتحاد اور ملی زندگی کی اہمیت کو ایک تعمیر اور بالخصوص اسلامی معاشری کے قیام کے لئے بہت سی جگہوں پر اجاگر کیا ہے۔
ایک جگہ کہتے ہیں

ملت سے اپنا ربط استوار رک

پیوستہ رہ شجر سے امید بہار رکھ 

اقبال مسلمانوں کی اجتماعی روح کی تصویر کو اپنے ذہن میں رکھ کر ایک متحد اور ہم آہنگ زندگی بسر کرنے کی پرزور اپیل کرتے ہیںاور جہاں کہیں مسلمانوں کے اتحاد کے آنسو پارہ پارہ ہوتے دیکھتے ہیں تو خون کے آنسو روتے ہیں۔ مسلمانوں کے انتشار کو دیکھتے ہیں اور دردِ 

قومی سے چیخ اٹھتے ہیںاور ان کی زبان کی نوک پر اپنے پرسوز شعر آجاتے ہیں 

ایک ہی اس قوم کا ایمان بھی ایک حرم پاک بھی 

اللہ بھے قرآن بھی ایک، ایک ہی سب کا نبی صلی اللہ علیہ وسلم 

دین بھی کچھ بڑی بات تھی، ہوتے جو مسلمان بھی ایک 

ملت اسلامیہ کی رہنمائی کے لئے قرآن حکیم کی شکل میں ایک مکمل ضابطہ حیات موجود ہے۔ جو اتحاد اور ربطِ باہمی کا درس دیتا ہے اور ایک واضح مقصدِ حیات پیش کرتا ہے۔ ایک منزل کی نشاندہی کرتا ہے۔ اس اس منزل تک پہنچنے کے لئے افراد کو قدم سے قدم ملا کر دوش بدوش گامزن ہونا ضروری ہے اگر وہ متحد و متفق ہوکر آگے بڑھیں تو کوئی بھی مخالف قوت ان کی راہ میں رکاوٹ نہیں بن سکتی۔ وہ ایک ایسا طوفان بننے کی صلاحیت رکھتے ہیں جس سے دریاوں کے دل بھی دہل جائیں گے اور جس کے متحد عزم و ارادہ کے آگے پربت رائی ہوکر رہ جائے۔

بقول اقبال

   ہیں ضبطِ باہمی سے قائم نظارے سارے        

 یہ نکتہ ہے نمایاں تاروں کی طرح سے